Ambasadorja e SHBA-së, Yuri Kim, ka zhvilluar një takim me nënkryetarin e Partisë Demokratike, Agron Gjekmarkaj. Lajmin e bëri të ditur vet ambasadorja, me anë të një postimi në rrjetet sociale. Kim uron Gjekmarkajn për përgjegjësinë e re si nënkryetar i Kuvendit të Shqipërisë.
“E kënaqur të takohem me deputetin e Partisë Demokratike Agron Gjekmarkaj sot. I urojmë gjithë të mirat në përgjegjësitë e reja drejtuese si nënkryetar i Kuvendit të Shqipërisë, presim bashkëpunim të fortë” – shkruan ambasadorja Kim.
Paraditen e sotme ambasadorja, Yuri Kim, ka zhvilluar një takim edhe me kryeministrin Edi Rama, ku ka përshëndetur mbështetjen e Shqipërisë për Ukrainën përballë agresionit rus. Ajo gjithashtu ka nënvizuar se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin.
Discussion about this post