Ambasadorja e Shteteve të Bashkuara të Amerikës, Yuri Kim do te jete e pranishme ne Shkoder për të vëzhguar procesin e votimit. Mësohet se Kim do të jetë prezente ne qytetin verior që nga ora e 09:00 e mëngjesit në qendrën e votimit “28 nëntori” .
Më herët Ambasada e Shteteve të Bashkuara të Amerikës, duke theksuar se është gati të drejtohet në të mbarë Shqipërinë për të zhvilluar nesër misionin e saj të vëzhgimit të zgjedhjeve.
Me anë të një postimi në rrjetet sociale, Ambasada e SHBA shkrua se grupet e saj të punës do monitorojnë si qendrat e votimit ashtu edhe ato të numërimit gjatë gjithë procesit. Më tej njoftohet se SHBA do të monitorojë derisa e gjithë puna të jetë mbyllur.
Ndërkohë vetë ambasadorja amerikane Yuri Kim ka treguar se në 25 prill do të jetë në terren së bashku me 24 ekipe të ambasadës së SHBA për të monitoruar procesin e votimit.
Në kuadër të vëzhgimit për mbarëvajtjen e procesit zgjedhor ndërkombëtarët do të jenë nesër në terren. Sipas agjendës së siguruar mësohet se ambasadori i BE, Luigi Soreca do të jetë në Tiranë, shkolla “Dora D’Istria”, rreth orës 08:30, në Elbasan rreth orës 11:00 tek Teatri Skampa, në Kavajë dhe në Durrës.
Ndërkaq ambasadori Britanik , Duncan Norman në kuadër të monitorimit të zgjedhjeve do të jetë në Durrës, Elbasan, Fier dhe Peqin.
Ndërsa ambasadorja Ursula Gacek e cila kryeson Misionin e Kufizuar të Vëzhgimit të Zgjedhjeve të ODIHR për zgjedhjet parlamentare në Shqipëri, do të jetë në Tiranë ku pritet që të japë një deklaratë për shtyp ditën e zgjedhjeve.
