Tre vjet pasi “vari këpucët në gozhdë”, Pablo Zabaleta u vesh sërish me pantallona të shkurtra, duke iu rikthyer futbollit të luajtur.
Ndihmësi i Silvinjos në Kombëtaren shqiptare, bëri debutimin në Kings League, duke përfaqësuar skuadrën Kunsports me në krye Serxhio “Kun” Agueron, për të qenë lojtari i 12-të, për klubin e mikut të tij. Zabaleta i solli fat skuadrës, teksa tregoi se ka ende cilësi dhe fuqi në këmbët e tij.
Koha e rregullt e ndeshjes përfundoi në barazim 4-4, teksa skuadra e Agueros fitoi me shootout (penallti në ecje), teksa Zabaleta arriti të shënonte një nga këto gola.
Kings League, u krijua nga Infojobs, si një alternativë “ndryshe”, për fansat e futbollit 11 vs 11, me njërin nga ideatorët dhe promotorët që është, ish-futbollisti i Spanjës, Gerard Pique.
Discussion about this post