Kryeministri i Sllovenisë Janez Jansa, së bashku me ministrin e Mbrojtjes Matej Tonin janë kërcënuar me vdekje .
Mediat vendase raportojnë se një zarf me plumba brenda është dërguar në adresat e dy politikanëve. Sipas informacioneve, në drejtim të tyre kanë shkuar disa letra ku shkruheshin kërcënime me jetë. Lajmi u publikua fillimisht nga portali “Siol” e më pas edhe nga “Nova24” e cila është një media pranë qeverisë.
Ndër të tjera, raportohet se kërcënimet janë dhe në drejtim të familjarëve të kryeministrit.
Në fotot brenda zarfit, shihen që kryeministri dhe familjarët e tij janë në shënjestër të kërcënuesit. Ai ka kërkuar ndihmën e policisë për zbardhjen e kësaj ngjarje.
