Një foto e Kiarës dhe Luizit e postuar në Instagramin e moderatores, është bërë shkak “debati” mes Ronaldo Sharkës dhe Nita Latifit.
Duke qenë se në foton në fjalë, Kiara shfaqej me një fustan të kuq dhe Luizi me kostum të zi, moderatorja e “lidhi” këtë kombinim të tyre, me zarfat e famshëm të shtëpisë së Big Brother Vip Albania.
“Zarf i Zi apo i Kuq?”, shkroi Kiara krahas postimit.
Kaq ka mjaftuar që mes Ronaldos dhe Nitës të nisnin disa thumbime. Ishte Ronaldo ai që komentoi i parë, duke shkruar:
“Zarfi i Nitës me avantazh”.
Ky koment nuk ka kaluar pa u vënë re nga vetë Nita, e cila ka komentuar:
“Ronaldos edhe zarfi i kuq i duket i zi. I bie terri syve”.
Dy ish-banorët duket se nuk kanë ruajtur një marrëdhënie aspak të mirë pas përfundimit të BBV. Prej disa ditësh, Ronaldo ka ironizuar Nitën përmes disa meme-ve në Instagramin e tij.
Discussion about this post