Në mbledhjen e ditës së sotme janë zbardhur emrat që do të thirren si dëshmitarë në Komisionin Hetimor për inceneratorët. Nga lista e publikuar bëhet me dije se, i pari do të jetë kryeministri Edi Rama, do të thirret zëvendës kryeministri Arben Ahmetaj, deputetët si; Lefter Koka ,Alqi Bllako dhe Damian Gjiknuri.
Gjithashtu do të thirret për të dhënë dëshminë e tij kryetari i Bashkisë Tiranë Erion Veliaj dhe ish-kryetari i Bashkisë Elbasan Qazim Sejdini. Ndërkohë emrat e tjerë janë; Klodian Zoto, Mirel Mërtiri, Stela Gugallja, Engjell Agaci, Gledian Llatja, , Armando Subashi.
Këtë të martë është mbajtur seanca e parë e Komisionit Hetimor për Inceneratorët. Mes socialistëve dhe opozitës ka pasur debate lidhur me miratimin e rregullores së këtij Komisioni. Teksa me shumicë votash, u zgjodh sekretare deputetja e PS, Antoneta Dhima, nga radhët e PD, është propozuar Dhurata Cupi si përfaqësuese për të ndjekur çështjet e rregullores. Nga ana tjetër Partia Socialiste ka qenë Ermonela Felaj e cila ka pranuar që të merret me rregulloren.
