Zbardhen 5 vjedhje marketesh në Tiranë, arrestohet 36-vjeçari

Zbardhen 5 raste të vjedhjes në markete, të kryera në Tiranë, gjatë javëve të fundit.

Finalizohet operacioni policor i koduar “Marketi”, për goditjen e veprimtarisë kriminale të vjedhjes.

Identifikohet dhe vihet në pranga autori i dyshuar.

Shërbimet e Komisariatit të Policisë Nr. 3, në vijim të punës për goditjen e paligjshmërisë në fushën e vjedhjes së pronës dhe pasurisë, bazuar dhe në inteligjencën informative, organizuan dhe finalizuan operacionin policor të koduar “Marketi”.

Si rezultat i këtij operacioni u vu në pranga shtetasi G. D., 36 vjeç.

Ky shtetas dyshohet si autor i 5 rasteve të vjedhjes së produkteve të ndryshme ushqimore, në markete të ndryshme të Tiranë, ngjarje të ndodhura javët e fundit.

Vijon puna për dokumentimin e vjedhjeve të tjera që janë kryer nga ky shtetas.