Shtatë raste vjedhjesh janë zbardhur nga ana e autoriteteve në Tiranë. Policia thotë se tre të rinj janë arrestuar, ndërsa dyshohet se janë autorë të dyshuar për këtë veprimtari.
Ata janë Aleksandër Ndrelalaj, Erandoi Alo dhe Glodjan Dervishi.
Njëri prej të arrestuarve po hetohet për vjedhjen e një shumë parash në një biznes në Sheshin “Karl Topia”, ndërsa dy të tjerët kanë hyrë në banesa të ndryshme dhe kanë marrë shuma të ndryshme parash.
Policia dhe grupi hetimor po heton aktivitetin e të rinjve.
Njoftimi i policisë
Zbardhen dhe dokumentohen 7 vjedhje të kryera ditët e fundit, në Tiranë, vihen në pranga 3 autorët e dyshuar.
Shërbimet e Komisariatit të Policisë Nr. 2, në vijim të punës për garantimin e sundimit të ligjit në territor, goditjen e veprimtarive kriminale në fushën e vjedhjes së pronës dhe pasurisë, si rezultat i administrimit të menjëhershëm të kallëzimeve të qytetarëve të ndryshëm, për disa raste të vjedhjes së banesave së tyre, dhe një rasti të vjedhjes së një biznesi, me mbështetjen e inteligjencës policore, kanë organizuar dhe finalizuar operacionin policor të koduar “Good start”.
Si rezultat u tij u vunë në pranga shtetasit A. N., 53 vjeç, banues në Fushë Krujë, E. A., 30 vjeç, dhe G. D., 40 vjeç, banues në Tiranë
Nga veprimet hetimore ka rezultuar se 3 shtetasit, ditët e fundit, kanë kryer vjedhje të ndryshme në zonën e Tiranës.
Shtetasi E. A., dyshohet se ka vjedhur një shumë parash në një biznes në sheshin “Karl Topia”, ndërsa dy shtetasit e tjerë, dyshohet se kanë vjedhur shuma parash në 6 banesa, në kohë dhe vende të ndryshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Discussion about this post