Atentati i cili terrorizoi qytetarët e Lushnjës mbrëmjen e djeshme, ka patur shënjestër kryesore 34-vjeçarin Bledar Muçaj, teksa 5 personat e tjerë janë plagosur si pasojë e breshërisë së plumbave.
Sipas hetimeve paraprake, drejt biznesmenit është qëlluar me rreth 20 plumba, ndërsa autorët dyshohet të kenë qenë dy. Sakaq nuk përjashtohet as detaji se këta të fundit janë ndihmuar për tu larguar nga vendi i ngjarjes me mjet tjetër, pasi mjeti me të cilin u krye krimi u gjet i djegur në urën e Lushnjës pak metra më larg nga vendi i ngjarjes.
Sakaq janë ngitur pika kontrolli edhe në Elbasan në hyrje të këtij qyteti dhe po kontrollohen automjete nëse autorët kanë mundur të dalin nga qyteti pa lënë gjurmë.
