Në e ekzekutimin e ish-policit Xhelal Reçi, që tronditi mëngjesin e sotëm Laçin, dyshohet të jenë përfshirë dy persona. Burime nga grupi hetimor për gijotina.com bëjnë me dije se fill pas vrasjes, autorët janë larguar, njëri prej tyre dyshohet të ketë kryer vrasjen ndërsa një tjetër ka ndihmuar në arratisjen nga vendi i krimit, ku më pas në lumin e Laçit kanë djegur makinën tip “Toyota” e cila rezulton me targa italiane.
Mjeti i ish-policit nuk ishte parkuar mirë, duke zënë dhe një pjesë të rrugës, që për hetuesit e çështjes ngre dyshime se Reçi edhe mund të ketë kuptuar që ndiqej nga dikush.
Ish-polici u qëllua qëlluar me armë zjarri në qendër të qytetit, pranë bizneseve të tij teksa kishte dalë nga makina e tij tip “Benz”. Kjo zonë, ku shumë pranë është dhe banka, është e pajisur me kamera sigurie, të cilat do të hedhin dritë rreth identifikimit të autorëve.
