Detaje të reja janë zbardhur nga vrasja e shqiptarit Dilaver Bojku në gusht të vitit 2017 në Strugë, i njohur ndryshe si “Mbreti i Prostitucionit” në Maqedoni.
Mediat e huaja raportojnë se ai kishte vendosur që t’i jepte fund hakmarrjes mes familjes së tij dhe asaj Istrefi, të dyja banorë të Strugës dhe kjo ishte arsyeja kryesore që në një afër mënyrë “iu dorëzua vdekjes”. Madje, vetë Dilaveri i kish thënë familje së tij që pasi ai të vdes hasmëria do të mbyllet dhe ai do të jetë gjaku i fundit.
“Mondo” bën me dije se Bojko njihej si “i forti” në Maqedoni, por të ditët e fundit para se ta vrisnin ai lëvizte lirshëm nëpër qytet duke mos mbajtur më masa mbrojtëse dhe truproja, pavarësisht e dinte që një ditë do ta vrisnin pjesëtarët të familjes Istrefi, me të cilët prej dy vitesh kishte hyrë në hasmëri.
Familja e Bojkut u përplas me armë me familjen Istrefi në Strugë në vitin 2015 ku mbeti i vrarë një i ri nga këta të fundit, ndërsa u plagosën dy persona. Njëri prej të plagosurve ishte vëllai i Bojkut dhe tjetri, vëllai i viktimës.
Fill pas ngjarjes ai largohet nga Maqedonia për t’u rikthyer dy vite më vonë sërish në qytetin e tij të Strugës. Media raportojnë se fillimisht ai ruhej me truprojë dhe jelek anti-plumb, por disa muaj më vonë hoqi dorë nga gjithçka duke dalë lirshëm nëpër qytet.
Kjo sjellje e tij ia lehtësoi punën edhe vrasësit me pagesë që besohet se kishte ardhur nga Bazeli, i cili shkrepi disa plumba në drejtim të Bojkut në lokalin e tij në Strugë duke e lënë të vdekur në vend.
Dilaver Bojku, i njohur me nofkën Leku ka lindur në vitin 1959 në Veleshtë të Strugës. Bëhet i njohur, në radhë të parë për policinë e Maqedonisë, e më vonë edhe për Interpolin dhe FBI-në amerikane, si dhe për publikun më të gjerë, për aktivitet e tij të shumta kriminale, në radhë të parë për prostitucionin.
E.H/ gijotina.com/
