Zbardhen emrat e të plagosurve në aksidentin e rëndë në Pogradec

Një aksident ka ndodhur, rreth orës 14:30, në aksin rrugor Pogradec-Qafë Thanë, në afërsi të fshatit Pojskë, ku janë përplasur 3 automjete, konkretisht automjeti furgon tip “Benz”, me automjetin tip “Opel” dhe automjetin tip “Toyota”.

Si pasojë e përplasjes, aktualisht janë dërguar në spital për ndihmë mjekësore 6 shtetas, ku 2 prej tyre ndodhen në gjendje të rëndë shëndetësore.

Policia dhe grupi hetimor ndodhen në vendngjarje dhe po kryejnë veprime proceduriale për përcaktimin e shkaqeve të aksidentit.

Dyshohet se shkak i aksidentit është bërë një parakalim i gabuar.