Detaje të reja janë zbardhur nga ngjarja e ndodhur në Kamëz, ku 48-vjeçari Lulzim Visha u gjet i vrarë me armë zjarri në makinë. Shkak i ngjarjes dyshohet se është një hasmëri e mundshme mes viktimës dhe personave të tjerë.
Viktima 48-vjeçar drejtonte automjetin e një kompanie postare që dërgon pako dhe dërgesa në gjithë Shqipërinë.
Në momentin kur ka ndodhur ngjarja, ai po shkonte në punë.
Mësohet se viktima është vëllai i Besnik Vishës, i cili në vitin 1997 ka vrarë me armë zjarri shtetasin Refik Domi. Krimi ndodhi për motive të dobëta në afërsi të Universitetit Bujqësor Tiranë.
Në 29 qershor 2001, Gjykata e Tiranës e dënoi me 12 vite burg, për veprat penale të “Vrasjes me dashje” dhe të “Armëmbajtjes pa leje”.
Kujtojmë se rreth orës 07:40, në rrugën “Shën Stefani”, në zonën e Zall Mnerit, është gjetur pa shenja jete brenda një automjeti trupi u Lulzim Vishës, banues në Kamëz, ndërsa dyshohet se është vrarë gjatë natës
Discussion about this post