Zbardhen zonat malore në Librazhd

Dëborë në pranverë! Zonat malore të Librazhdit janë zbardhur këtë mëngjes nga dëbora.

Më konkretisht zona e Stebleves në Librazhd është përfshirë nga reshjet e dëborës. Deri më tani nuk raportohen problematika.

Sot Shqipëria është përfshirë nga një mot me reshje të dendura shiu, shtrëngata dhe erë të fortë.

Vendi u përfshi që në mëngjes nga vranësirat e shumta, të cilat do të gjenerojnë reshje shiu si fillim në zonat veriore.

Deri në orët e mesditës, i gjithë vendi ynë do të jetë nën ndikimin e vranësirave dhe reshjeve të shiut, ku herë pas here pritet të jenë dhe në formë rrebeshi në zona të izoluara.