Komisioni i Rithemelimit do të mbledhë sot Kuvendin e Partisë Demokratike në orën 10:00 në Pallatin e Kongreseve ku pritet të zgjidhet Këshilli i ri Kombëtar dhe të miratohen një sërë ndryshimesh statutore.
Në hyrje të Pallatit të Kongreseve, delegatët do të pajisen me mandatin dhe do të skanohen elektronikisht njësoj si në Kuvendin e 11 dhjetorit. Por këtë herë, nuk do të jetë numër aq i lartë delegatësh, pasi statuti i 11 dhjetorit parashikon që Kuvendi i PD-së përbëhet nga 1100 delegatë që janë zgjedhur gjatë kësaj kohe me formulën një anëtar një votë nga kryesitë e degëve.
Ndërkohë, Kuvendi do të nisë me fjalën e dy të rinjve që janë lënë surprizë, ndërkohë më pas pritet që të mbajë fjalën e saj Jozefina Topalli, e cila shënon rikthimin në PD, pasi u largua kur në krye të selisë blu erdhi Lulzim Basha. Edhe Rudina Hajdari do të jetë në Kuvendin e PD-së, e cila po ashtu do të mbajë fjalën e saj.
Në kuvend do të ketë edhe të tjera “xhaketa të vjetra” që do të rikthehen. Arben Imami është një prej tyre, Myslym Murrizi po ashtu, ndërsa Genc Ruli mësohet se nuk ka pasur një ftesë. Sakaq, ish-Kryeministri Sali Berisha mësohet se do të flasë në orën 13:00.
Fjala e tij pritet të jetë e gjatë dhe fill pasi të mbarojë do të procedohet me votimin e ndryshimeve statutore. Këtë herë ndryshimet në statut do të jenë minore ku një prej tyre do të jetë që deputetët dhe kryetarët e degëve të jenë automatikisht anëtarë të këshillit. Po ashtu, Komisioni i Rithemelimit do i propozojë kuvendit që më datë 22 maj të zhvillohen zgjedhjet për kryetarin e ri të Partisë Demokratike.
Lista e disa prej folësve
Lediana Fratari
Belind Këlliçi hap punimet e Kuvendit
Arben Imami
Bardh Spahia
Artan Hoxha
Jozefina Topalli
Belind Këlliçi prezanton ndryshimet statutore
Edi Paloka
Deputet britanik
Oerd Bylykbashi
Evi Kokalari
Agron Shehaj
Fatbardh Kadilli
Aldo Bumçi
Rudina Hajdari
Discussion about this post