“Pas grumbullimit të hetimit dhe analizave të të gjitha provove, kemi ngritur sot aktakuzë kundër 45 të pandehurve që ekziston dyshimi se kanë kryer vepra penale të terrorizimit”, ka deklaruar Kryeprokurori i Prokurorisë Speciale Blerim Isufaj.
“Në baza të ndryshme hetimore kemi qenë të kufizuar në dhënien e informacioneve, na është dashur të presim gjatë ndoshta edhe një vit. Pranimi i raporteve të ekzaminimeve është një nga shkaqet kryesore për vonim të ngritjes së aktakuzës”, ka bërë të ditur Isufja, duke i dhënë një përgjigje jo vetëm opinionit publik por dhe politikës.
Kurse Prokurori i rastit Banjska, Naim Abazi, tha se aktakuza është e fuqishme dhe se në hetime janë përfshirë agjencitë më të mira kombëtare dhe ndërkombëtare për zbatimin e ligjit.
“Ky rast përfshinë ngritjen e aktakuzës kundër një grupi të strukturuar kriminal i përbërë prej 45 personave, të cilët dyshohen për kryerjen penale që lidhen me veprat kundër rendit kushtetues juridik dhe terrorizmin. janë realizuar 66 intervista me dëshmitarë dhe të pandehur, janë analizuar rreth 120 pajisje elektronike dhe 1 mijë e 266 armë dhe pajisje të tjera, dhe qindra dokumente që përmbajnë prova kritika për këtë rast, po ai ka zbardhur dhe kokën e grupit terrorist për të cilin është ngritur aktakuzë është edhe Millan Radojiçiç”, tha Naim Abazi.
Kosova ka marrë mbështetjen shumë të rëndësishme nga partnerët rajonal, europian dhe amerikan. Bashkëpunimi juridik me shtetet e BE-së dhe ShBA-së, kanë qenë thelbësore për të zbuluar rrugët e financimit dhe siguruar prova. Ngritja e aktakuzës vjen gati një vit pas sulmit.
gijotina.com/
Discussion about this post