Trajneri i Romës, Jose Mourinho ‘godet’ gjithmonë me deklaratat apo komunikimet e tij me mediat. Së fundmi ai dhe tekniku i Napolit Luciano Spalleti kanë zhvilluar një bisedë shumë interesante.
Teksa ishin në lidhje live ata kanë shkëmbyer disa batuta, pasi ia dolën që të fitonin në javën e fundit të Seria A.
“Punë e shkëlqyeshme, Spallettone! Dëshironi t’i fitoni të gjitha ndeshjet? ”, pyeti Mourinho Spallettin në lidhjen direkte në “DAZN”
Ndërsa Spalletti u përgjigj: “Të shohim, ti je i rrezikshëm”.
Mourinho e mbylli duke thënë: “Sipas mendimit tim, ju duhet të humbni ndeshjen e ardhshme në transfertë”.
Rikujtojmë që Napoli qëndron i pari në Serie A me shtatë fitore në shtatë ndeshje, teksa Roma renditet në vendin e katërt të kësaj tabele./K.T/Gijotina.com
