Është zbardhur dinamika e vrasjes së Albi Bashaliut në Peqin, ku mësohet se 35-vjeçarit i është bërë pritë nga autorë ende të paidentifikuar.
Mësohet se, më pas autorët kanë djegur makinën e tyre dhe janë larguar me makinë e viktimës, ndonëse në fillim u tha se është djegur makina e këtij të fundit për të fshehur gjurmët.
Kanë qenë banorët e zonës që kanë gjetur trupin e pajetë të të riut në anë të rrugës, ndërsa thanë për uniformat blu se kanë dëgjuar një të shtënë të vogël.
Vrasja dyshohet të jetë bërë për hakmarrje, ndërsa policia ka bërë krehjen e zonës dhe po punon për identifikimin dhe kapjen e autorëve.
Discussion about this post