Të tjera detaje tronditëse kanë dalë në lidhje me vrasjen e 41-vjeçares shqiptare, Gjeorgjia Murati, e cila ishte shtatzënë. Burri i saj, i cili së bashku me një shokun e tij akuzohen për krimin e rëndë ka luajtur teatër që në minutat e para pasi ka kryer vrasjen.
Sipas dosjes hetimore te publikuar nga Protothema, 39-vjeçari grek i kishte planifikuar të gjitha lëvizjet që do të bëntë pasi të kryente vrasjen, me qëllim për të ngatërruar autoritetet.
Mësohet se bashkëshorti i saj pasi ka kryer vrasjen ka ngritur alarmin për zhdukjen e gruas së tij.
“Ai ka kërkuar nëpër spitalet e Selanikut dhe ka kontaktuar shumë njerëz për të zbuluar nëse gruaja ishte gjallë. Po ashtu ka dalë edhe nëpër emisionet televizive duke kërkuar ndihmë për gjetjen e saj”, shkruan media greke.
39-vjeçari ka deklaruar se ata kishin një marrëdhënie të mrekullueshme pa grindje dhe se ai u zgjua Vitin e Ri dhe gruaja ishte zhdukur duke i lënë një mesazh në celular.
Duke inskenuar historinë, i pandehuri i tha policisë se ai dhe gruaja shqiptare u takuan përmes një aplikacioni në internet dhe se ata kishin qenë në një lidhje që nga 3 shkurti.
“Unë dhe Gjeorgjia shkojmë shumë mirë dhe nuk kemi konflikte në çift. Ne takohemi çdo ditë, qoftë edhe për një kohë, dhe kur është e mundur Gjeorgjia fle në shtëpinë time, por kjo nuk ndodh përgjithmonë, sepse ajo e konsideron më të përshtatshme të qëndrojë në shtëpi me vajzën e saj. Ajo fle në shtëpinë time rreth një ose dy herë në javë. Në verën e vitit 2022, Gjeorgjia mbeti shtatzënë, doja që ajo të mbante fëmijën, por ajo nuk donte, respektova dëshirën e saj dhe shtatzënia u ndërpre. Rreth një muaj më parë, në fillim të dhjetorit 2023, Gjeorgjia bëri një test shtatzënie dhe zbuluam se ajo është përsëri shtatzënë. Po atë pasdite, pasi Gjeorgjia ishte kthyer në shtëpi dhe pas një bisede me nënën e saj, ajo më tha se donte të ndërpriste shtatzëninë dhe në të njëjtën kohë më tha që duhet t’i prishja marrëdhëniet me familjen e saj”, tha ai, ndërsa pohoi se gruaja kishte vendosur të ndërpresë shtatzëninë.
“Gjeorgjia më ka thënë gjithmonë se dëshiron të mbajë fëmijën tonë, por nuk mund të përballet më kundërshtitë e familjes. Gjeorgjia më kërkoi të gjeja një gjinekolog për të kryer ndërprerjen e shtatzënisë dhe pasi kërkuam në internet zgjodhëm gjinekologun. Unë dhe doktori caktuam takim në orën 09:00 të datës 01.03.2024 për të përfunduar procedurën e abortit.”
Zhdukja e pretenduar
39-vjeçari ka dëshmuar në polici ditën që pretendonte se gruaja e tij është zhdukur. Që në këtë moment policia e konsideroi atë si personin e parë të dyshuar për kryerje të krimit.
I pandehuri pretendon se më 1 janar rreth orës 22:00 ai shkoi për të marrë Gjeorgjinë nga biznesi ku ajo punonte në rrugën Kassandou në Selanik dhe se ata zakonisht shkonin nga puna e saj së bashku, ktheheshin me autobus dhe kalonin kohën së bashku. Por atë ditë, sipas asaj që th ai, për shkak të vonesës së autobusit, a vendosën të ktheheshin me taksi, e cila i la në kryqëzimin e rrugëve të Etnonit, përballë Aristidou, pak metra larg banesës së 39-vjeçares.
“Unë dhe Gjeorgjia hymë në shtëpinë time dhe pas pak na zuri gjumi. Rreth orës 08:45 u zgjova dhe Gjeorgjia ishte zhdukur, ndërsa ajo më kishte dërguar një mesazh rreth orës 08:00. Nuk e kuptova saktësisht se kur u largua Gjeorgjia. Duke qenë se kemi hyrë natën në shtëpi dhe na ka zënë gjumi rreth orës 00:30, nuk jam zgjuar asnjëherë për të parë nëse Gjeorgjia është pranë meje dhe as kam dalë sërish nga shtëpia për ndonjë arsye”, ka dëshmuar ai për policinë greke.
Madje, ai ka shkuar në një spital publik për ta pyetur nëse po trajtohej, por edhe në klinikën private ku gjinekologu e monitoronte për shtatzëninë.
Discussion about this post