Zbardhen detaje të reja për vrasjen e 38 – vjeçarit shqiptar në Itali, i cili ishte në tentativë grabitjeje në një vilë. I riu ka ndërruar jetë pasi u qëllua me një plumb në pjesën e gjoksit.
Mediat italiane kanë siguruar fotografinë e viktimës dhe kanë nxjerrë detaje të reja nga ngjarja duke thënë se rezultatet e autopsisë tregojnë se nuk është qëlluar me plumb pas shpine.
Po ashtu mediat italiane, bëjnë me dije se hajduti, i gjakosur, eci 10 metra përgjatë shtegut të kopshtit të vilës, më pas ra në tokë pa shenja jete ndërsa në dorë mbante armën. Pronari është afruar për t’i larguar armën, e cila më vonë rezultoi se nuk kishte plumba, por nuk e dinte këtë gjë.
Pavarësisht se ai u dërgua në spital, nuk mundi t’i mbijetonte plagëve të marra.
Theksojmë se Arbër Xheleshi është një emër i njohur për drejtësinë italiane pasi është arrestuar edhe më parë për grabitje. Ditën e djeshme, u raportua se viktima ishte 36-vjeçari rumun Mirel Joaca Bine.
