Zbardhet shkresa e nënshkruar nga disa deputetë të Partisë Socialiste, të cilët kërkojnë që komisioni i Etikës të marrë masë ndaj 6 deputetëve të PD.
Kjo kërkesë vjen pas situatës së krijuar në seancën e fundit plenare.
Në shkresën e grupit të PS drejtuar Lindita Nikollës, thuhet ndër të tjera se kërkohet të merret masë disiplinore ndaj 6 deputetëve për shkak se kanë përsëritur disa herë bllokimin e seancën plenare.
Kujtojmë se seancat e fundit plenare të Kuvendit janë karakterizuar nga kaosi dhe nuk janë zhvilluar normalisht.
Vetëm 5 minuta zgjati seanca plenare e së hënës, kur pritej të diskutohej projektligji më i rëndësishëm ekonomik i vitit, “Projekt Buxheti 2024″.
Deputetët e opozitës grumbulluan sërish karriget në foltore, ndërsa u përplasën fizikisht me disa prej punonjësve të Gardës.
As kontrollet e shtuara në hyrje të Kuvendit nuk i ndaluan deputetët e opozitës të merrnin flakadanët, të cilët i ndezën në nisje të seancës plenare. Situata u bë më kaotike kur njëri prej flakadanëve mori flakë.
Kërkesa
E nderuar zonja Kryetare e Kuvendit,
Përsëritja e situatave të vazhdueshme të bllokimit të seancave plenare nga deputetë të opozitës është e pa tolerueshme.
Kaosi i krijuar nga deputetë të caktuar të opozitës në seancën plenare të datës 20.11.2023. seancë dedikuar diskutimeve dhe votimit në parim të Buxhetit 2024 dhe Paketës Fiskale, pengoi zhvillimin normal të kësaj seance të rëndësishme duke mos lejuar të mbanin fjalën deputetët e Grupit Parlamentar: të Partisë Socialiste të cilët ishin regjistruar për të diskutuar. Ky skenar i përsëritur për të disatën herë nga deputetë të opozitës është në kundërshtim flagrant me Rregulloren e Kuvendit dhe Kodit e sjelljes Deputetit të Kuvendit të Shqipërisë.
Deputetë të opozitës që në nisje të seancës plenare bllokuan foltoren duke vendosur si barrikadë para saj karriget e deputetëve.
Deputeti Gazment Bardhi mori karriget e deputetëve dhe i vendosi mbi foltore duke e bllokuar atë. Deputeti Bardhi konfliktohet me punonjësit e sigurisë në sallën plenare dhe në një moment ai hedh një karrige në drejtim të tyre duke dëmtuar rëndë njërin prej gardistëve në dorë.
Deputeti Flamur Noka gjithashtu mori karriget të cilat ishin vendosur si barrikadë në një nga hyrjet e sallës plenare dhe i vendosi mbi foltore duke e bllokuar atë. Deputeti Noka mban dy flakadanë duke i drejtuar ato drejt Drejtueses se Seancës. Kryeministrit dhe anëtarëve të Këshillit të Ministrave. Në mbyllje te seancës deputeti Flamur Neka hedh një flakadan të ndezur drejt Kryeministrit.
Situata agravoi edhe më shumë në momentin kur deputeti Bledjon Nallbati nxjerr nga çanta e deputetes Albana Vokshi një kuti të cilën sapo e ndezi mori menjëherë flakë, gjithashtu i ndihmuar edhe nga deputeti Flamur Hoxha këtë kuti e vendosi në tavolinën përpara, duke dëmtuar pajisjen elektronike të votimit dhe rrezikuar që flakët të përhapeshin në sallë. Kjo situatë shkaktoi panik dhe tek vetë deputetët e opozitës.
Nisur nga këto situata të krijuara në seancën plenare 15 datës 20.11.2023, në mbështetje të nenit 63. pika 1 gërma d), dhe nenit 65/1 të Rregullores Kuvendit të Republikës së Shqipërisë, në mbështetje të nenit 3. gërma da) dhe ë), nenin 8 pika 2 göra h) dhe nenin 33 të Kodit të Sjelljes së Deputetit të Kuvendit të Republikës së Shqipërisë, paraqesim kërkesën si më poshtë:
-Marrjen e masës disiplinore ndaj deputetëve Gazment Bardhi, Flamur Noka, Bledjon Nallbati, Sorina Koti, Albana Vokshi dhe Flamur Hoxha sipes Rregullores së Kuvendit të Republikës së Shqipërisë.
– Mbledhjen e Sekretariatit për Procedurat Vetimet dhe Etikëa për vlerësimin e masës disiplinore.
Discussion about this post