Zbardhet mbledhja e kryesisë së PS, çfarë pritet nga drejtuesit…

Kryesocialisti Edi Rama është duke zhvilluar mbledhjen e parë të Kryesisë për vitin 2024.

Mësohet se në këtë takim morën pjesë edhe drejtuesit e qarqeve, por edhe disa ministra. Në fokus të diskutimeve është organizimi i partisë.

Në kongresin e 8 dhjetorit është lënë detyra për riorganizimin e PS në funksion për zgjedhjet e vitit të ardhshëm.

PS ka nisur këtë proces riorganizimi, ku pjesë do të jenë ndryshimet e drejtuesve të strukturave të partisë në bazë.

Synohet zgjedhja e kryetarëve të rinj të organizatave për t’i dhënë impulse të reja partisë në bazë. Për kryetarët aktual të organizatave do të analizohet rezultati në zgjedhjet e shkuara.

Procesi zgjedhjes së kryetarëve të rinj duhet të përfundojë deri në muajin mars.

Pritet që PS në mars të zhvillojë edhe asamblenë kombëtare. Nuk është vendosur ende një datë, por pritet që të jetë në mars. Ndërsa në prill do të zhvillohen zgjedhjet për delegatët për Kongresin e PS.