Një ditë më parë mediet bullgare raportuan për një person të tetë që ka shpëtuar nga tragjedia e djegies së autobusit ku humbën jetën 45 shqiptarë nga Maqedonia e Veriut.
Personi i tetë i shpëtuar nga tragjedia, u kthye në mister teksa u aludua se bëhet fjalë për një shtetas të Emirateve të Bashkuara Arabe.
Prokuroja bullgare, Sijka MIleva, dha një konferencë ditën e djeshme, por nuk u përgjigj në pyetjen se a është 36-vjeçari vjeçari Shaip Nauf Al Salah, shtetas i Emirateve të Bashkuara Arabe udhëtari misterioz.
Pasagjeri i tetë që u përmend mes të mbijetuarve në aksidentin tragjik ka shkuar në mediet bullgare dhe është shprehur se ka një gabim që emri i tij është përfshirë në listat e të mbijetuarve pasi nuk ka asnjë lidhje me to.
“Sonte u zbulua misteri, pse ka mospërputhje në listën e të lënduarve në spitalin “Pirogov” dhe listës së pjesëmarrësve në udhëtimin e kompanisë turistike maqedonase,” raportojnë mediet bullgare.
Sipas sqarimit të dhënë, rezultoi se shtetasi Shadi Nauf al Saleh, nuk kishte lidhje me aksidentin tragjik dhe është shtetas bullgar. Të shtunën kur ndodhi aksidenti, ai shtruar në repartin e traumës në Spitalin Pirogov për shkak të një thyerjeje të krahut. Ai është futur gabimisht në listën e të plagosurve nga autostrada e Strumës, ndërsa mësohet se tashmë ka dalë nga spitali.
Discussion about this post