Ngjarja e cila u raportua fillimisht si vrasje, ka marrë një kthesë të re. Viktima i cili u gjend i pajetë në një lagje në Elbasan, është identifikuar si Ramadan Kupi, 67-vjeç. ‘Balkanweb’ bën të ditur se ai ka kryer vetëvrasje.
Dyshohet se pasi ka prerë damarët viktima është vetë hedhur nga kati i katërt i pallatit, ku dhe ai banonte. Viktima mund të ketë qenë në kushte të rënduara psikologjike dhe sipas ekspertizës mjeko ligjore mësohet se plagët në kokë i ka marrë për shkak të goditjes gjatë rrëzimit.
Po ashtu, nga ekspertiza e kryer është konstatuar që ka pasur shtyllën kurrizore të thyer dhe kocka të tjera në trup.
