Pirro Gjini është punëtori 55-vjeçar që ndërroi jetë mëngjesin e sotëm, pasi ra nga lartësia e një pallati në ndërtim.
Gijotina.com mëson se ngjarja ndodhi pranë spitalit të Kavajës, në një nga pallatet që po ndërtohen për familjet e dëmtuara nga tërmeti.
55-vjeçari nga Fieri kishte filluar të punonte në katin e pestë të ndërtesës, ku si pasojë e një defekti në vinç, ai ka humbur ekuilibrin duke rënë në tokë, ku ka humbur jetën.
Mësohet se, Gjini ka marrë dëmtime të mëdha në kokë e trup, duke mos iu mbijetuar plagëve. Ndërkohë, policia ka shkuar menjëherë në vendin e ngjarjes, ku ka nisur hetimet. Grupi hetimor ka marrë në pyetje punonjësit e tjerë, ndërsa janë shoqëruar përgjegjësit e kompanisë së ndërtimit.
