Është zbardhur akt-ekspertiza, e cila përcakton shkakun e vdekjes së 3 anëtarëve të familjes Haliti nga Gjilani.
Mësohet se, nga këqyrja e trupave të tre viktimave nga ekspertët mjeko-ligjore ne Tiranë, bëhet me dije se shkak i vdekjes është helmimi nga kërpudhat.
Njëkohësisht po kryhen edhe analizat e ushqimeve konkretisht të kërpudhave që janë gjetur të gatuara në shtëpi. Kujtojmë se Elfete, Afrim e Ferzinaze Haliti shfaqën shenja helmimi dhe u drejtuan për të marrë shërbim mjekësor në qendrën shëndetësore të Manzës, ndërsa më pas u dërguan me urgjencë në QSUT.
Por pavarësisht ndihmës mjekësore, 3 anëtarët e kësaj familje nuk mundën të jetonin.
