Presidenti i Republikës, Ilir Meta i është drejtuar me një shkresë KQZ-së nëpërmjet të së cilës i kërkohen të dhëna mbi vakancat e parakohshme në organet drejtuese ekzekutive të pushteti vendor, ku 6 prej bashkive janë pa kryetar.
Në shkresë, Kreu i Shtetit i ka kërkuar informacion Komisionerit në lidhje me disa pyetje.
‘Kush janë saktësisht ato Njësi të Qeverisjes Vendore, në të cilat përgjatë kësaj periudhe 30 qershor – Janar 2022 sipas informacioneve dhe vlerësimit tuaj Kryetarëve të Bashkive u ka përfunduar mandati në mënyrë të parakohshme. Cili është shkaku ligjor dhe akti përmes të cilit është realizuar përfundimi i parakohshëm i mandatit dhe për plotësimin e të cilave është e nevojshme organizimi i zgjedhjeve të pjesshme për kryetarin e bashkisë, në përputhje me Kodin Zgjedhor të Republikës?“, thuhet në shkresë.
Meta tha në konferencën e parë për këtë vit, se vendimi i Gjykatës Kushtetuese për “30 qershorin” tregon papërgjegjshmëri nga ana e saj, duke e lënë pa zgjidhje përfundimtare problemin. Bashkitë pa kryetar janë Shkodra, Durrësi, Vora, Rrogozhina, Dibra dhe Lushnja.
Discussion about this post