Kuvendi ka zbardhur projektvendimin për ngritjen e komisionit të posaçëm parlamentar për realizimin e reformës zgjedhore. Projektvendimi ka në fokus të veçantë rekomandimet e raporteve të OSBE-ODIHR për zgjedhjet e 25 prillit 2021 dhe zgjedhjeve të mëparshme të patrajtuara. Komisioni i Posaçëm do të ketë 16 anëtarë, 8 nga mazhoranca dhe 8 nga opozita.
Në të thuhet se PS do të ketë në Komision 8 përfaqësues, PD 6 përfaqësues, 1 Aleanca për Ndryshim dhe 1 grupi parlamentar Demokraci për Integrim. Komisioni do të drejtohet nga dy bashkëkryetarë, një nga PS dhe një nga PD.
Komisioni e ushtron veprimtarinë e tij për një afat 6 mujor nga miratimi i këtij vendimi por në rast nevoje, me kërkesë të arsyetuar të dy bashkëkryetarëve Kuvendi vendos zgjatjen e afatit me një vendim të veçantë.
Discussion about this post