Reshjet e dëborës kanë zbardhur Veriun e vendit. Në orët e fundit, raportohet për probleme dhe vështirësi qarkullimi në disa zona.
Në Tamarë-Vermosh si pasojë e reshjeve të dëborës është dashur ndërhyrja me mjete e punëtorë për të hapur qarkullimin pa probleme për mëngjesin e të enjtes.
Ndërsa në aksin Bogë-Theth në zonën e tuneleve ka pasur rënie orteqesh, duke sjellë vështirësi në qarkullim.
Për këtë është ndërhyrë me pastrimin e rrugës pasi rënia e orteqeve vazhdon të jetë aktive dhe këtë të enjte.
Discussion about this post