Zbardhet vjedhja e dyqanit të celularëve në “Myslym Shyri”, ja autori

Policia e Tiranës ka zbardhur dhe dokumentuar me prova vjedhjen e ndodhur më datë 09 shkurt në një dyqan celularësh, në rrugën “Myslym Shyri”.

Në kërkim si autor i ngjarjes është shpallur shtetasi Afrim Dulaj, 43 vjeç, personi që shihni në foton e mësipërme.

“Shërbimet e Komisariatit të Policisë Nr. 2, në vijim të veprimeve për zbardhjen dhe dokumentimin e ngjarjes së ndodhur më datë 09.02.2024, në një dyqan celularësh, në rrugën “Myslym Shyri”, kanë vijuar hetimet e thelluara për identifikimin e autorit të rastit.

Si rezultat i punës intensive hetimore, u bë identifikimi dhe shpallja në kërkim e autorit të dyshuar, shtetasit Afrim Dulaj, i ditëlindjes 02.11.1980, banues në Tiranë.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij.

Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118, duke garantuar anonimatin e plotë të çdo telefonuesi”, thueht në njoftimin e policisë.