Është zbardhur vrasja e Briken Sanajt te Kodra e Diellit. Mësohet se është bërë i mundur identifikimi i personit që ka vrarë Sanajn pranë banesës ku jetonte tek Kodra e Diellit në Tiranë.
Autori i dyshuar është shpallur në kërkim policor, ndërsa ka dyshime të forta se ai është arratisur drejt Belgjikës.
Krimi ndodhi më 31 tetor pasi doli nga garazhi i makinave në trotuar. Autorët e kanë ndjekur më këmbë dhe dyshohet se e kanë qëlluar me armë disa herë, ku tre plumba e kanë kapur në kokë. Nga hetimet parapake, hasmëria dyshohet të jetë motivi i krimit.
Sanaj ishte rikthyer në zonën e Tiranës prej një viti pasi jetonte në Itali dhe një natë para vrasjes ai kishte qenë në shoqërinë e miqve të tij pasi të nesërmen do të martonte shokun e tij. Pas dasmës ai me miqtë e tij kanë shkuar drejt Kodrës së Diellit, ku kishin një banesë me qira.
Pas kësaj në zonë ka mbërritur një makinë, autori ka mbërritur nga ana e prapme e Kodrës së Diellit, kalon një bordurë dhe kryen ekzekutimin. Pas kësaj kthehet sërish andej nga erdhi ku e priste një mjet tip Benz i identifikuar si “Regina”me targë AA777 GY.
Nga kamerat e autostradës Tiranë-Durrës është identifikuar edhe një makinë e autorëve, pasi ata kanë djegur mjetin e parë. Kamerat e sigurisë kanë filmuar autorin teksa largohet në drejtim të Kosovës, dhe dyshimet janë që ata të jenë larguar nga Shqipëria.
Discussion about this post