Policia e Shtetit ka konfirmuar sot se eshtrat kockore të gjetura në Kurbin i përkasin 16-vjeçarit të zhdukur në vitin 2015, Mariglen Gjonajt. Sipas bluve, Gjonaj u vra nga Kristjan Cenaj pasi kishte pasur qëllim për ta vjedhur.
Sot policia e Lezhës ka bërë me dije se eshtrat e gjetura i përkisnin të miturit, i cili u vu në shënjestër të grabitjes së orës Rolex dhe varëses që mbante, ndërsa autori i ngjarjes së rëndë është tashmë i burgosur.
Gijotina.com ka raportuar herë pas here zhvillimet për ngjarjen e rëndë, duke konfirmuar më herët lajmin se eshtrat e gjetura në Fushë Kuqe rreth një muaj më parë i përkisnin të riut Mariglen Gjonaj. I riu rezultonte i zhdukur që prej vitit 2015. Asokohe, prindërit e tij deklaronin se dikush mund t’i ketë bërë keq, pasi adoleshenti atë ditë ka pasur në dorë orë Rolex dhe disa bizhuteri që kapnin një vlerë prej 10 mijë eurosh.
Sipas deklaratave të familjarëve, ai ka shkuar si çdo ditë tjetër në shkollë më 18 maj. Por nuk është kthyer në orarin e zakonshëm dhe as në darkë, çka ka vënë në alarm familjen e tij. Ata kanë bërë denoncim në polici, por ende nuk ishte zbuluar asnjë e dhënë deri në momentin që u zbuluan eshtrat dhe u bë identifikimi i autorit.
Discussion about this post