Zbërthimi nga SPAK i komunikimeve të sipërmarrëses Marisa Nito dhe Ajola Xoxës, ka zbuluar një marrëdhënie tregtare krahas asaj të paraqitur si miqësore mes bashkëshorteve të biznesmenit Elman Abule dhe kryebashkiakut të Tiranës, Erion Veliaj, po ashtu të konfirmuar në kontakte të ngushta.
Xoxe, gruaja e kryetarit të Bashkisë Tiranë, rezulton se ka përfituar disa transaksione bankare nga kompania e Marisa Nitos, bënë me dije burime në dijeni të fakteve. Transaksionet monetare në favor të Ajola Xoxës, shkojnë deri në 180 mijë euro, sipas të njëjtave burime.
Kjo marrëdhënie tregtare me përfitime financiare mes sipërmarrëse Nito, dhe bashkëshortes së Kryebashkiakut të Tiranës, ka shumë gjasa të rrezikojë dhe pozitën penale Erion Veliajt, ndërkohë që është nën hetim nga SPAK.
Komunikimet dhe të provat e tjera që janë tashmë të gjitha në duart e prokurorëve të Prokurorisë së Posaçme, ngrenë dyshime se Marisa Nito dhe Ajola Xoxa, përfaqësojnë një botë të errët të biznesit dhe këmbimit të favoreve, duke u varur gjithçka nga influenca e fortë ekonomike dhe politike e bashkëshortëve të tyre, Elman Abule dhe Erion Veliaj.
Dyshja Veliaj-Abule, ndërkohë është e njohur për se kanë kontakte të ngushta me njëri-tjetrin, ku së bashku kanë udhëtuar në disa vende të Evropës.
Nga kjo marrëdhënie e ngushtë miqësore, dyshohet se Abule ka përfituar leje ndërtimi në Tiranë, ku e fundit ka qenë në zonën e “Kombinatit”, që nuk vu në zbatim pas pronarët e tokës refuzuan Abulen për shkak të një dënimi në Belgjikë.
Çifti i bashkëshortëve biznesmenë Elman Abule dhe Marisa Nito, mësohet se do të thirren dhe pyeten në Prokurorinë e Posaçme SPAK, lidhur me marrëdhënien financiare që kanë pasur me Ajola Xoxen dhe kryetarin e Bashkisë Tiranë, Erion Veliaj.
Pasi mori në Pyetje për 5 orë kryebashkiakun e Tiranës, SPAK tha se hetimet ende në fazë paraprake, kishin gjetur prova për të paktën katër akuza, konktetisht, korrupsioni pasiv.
Hetimi ndaj Veliajt sipas SPAK vijon për veprat penale “Korrupsion aktiv i funksionarëve të lartë shtetërorë ose të zgjedhurve vendorë” “Pastrimi i produkteve të veprës penale ose veprimtarisë kriminale” dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”./OraNews
Discussion about this post