Një mega aksion u zhvillua sot në Durrës, pas bashkëpunimit të vëllezërve Beqiraj me policinë. Gentjan dhe Indrit Beqiraj u arrestuan dje, pas pengmarrjes së ndodhur në autostradën Durrës-Tiranë. Indrit Beqiraj u mor peng pas një përleshje me shoferin Agron Bejdolli.
Vëllezërit dyshohet se janë pjesë e grupit kriminal të goditur sot nga policia, dhe kanë dëshmuar se dje kishin planifikuar të ekzekutonin “Rrumin e Shijakut” emri i vërtetë i të cilit është Aleksandër Laho allias Landi Muharremi.
“Rrumi i Shijakut” mbeti i plagosur në atentatin ndaj prokurorit Arjan Ndoja, më 1 nëntor, 2 vite më parë ndërsa vëllezërit kanë dëshmuar se ai ka dalë nga spitali 18 ditë më parë.
Policia ka shpallur në kërkim shoferin Agron Bejdolli i cili prishi planin e vëllezërve për ekzekutimin e Lahos. Jo më kot, pasi Agron Bejdoli kishte një lidhje të ngushtë me Aleksander Lahon, madje drejtonte makinën e Rrumit ditën e atentatit ndaj makinës se Arjan Ndoj. Po ashtu, Bejdolli është personi që shoqëroi Rrumin dhe Ndoj në spital pas atentatit të ndodhur. Por deri më tani nuk dihet nëse dy ngjarjet kanë lidhje me njëra-tjetrën pasi Policia e Durrësit nuk ka dalë ende me një njoftim zyrtar.
Përleshja në autostradë, këta janë vëllezërit Beqiraj (FOTO)
Discussion about this post