Nuredin Dumani shfaqet në gjyqin gjatë procesit ndaj Xhuliano Hoxha, Seit Manahasa dhe Elvis Koçi në funksionin e dëshmitarit, për vrasjen e Emiljano Ramazanit.
Dumani ka treguar kush ka qenë ekzekutori Skerdi Tase, ndërkohë që si porositës përmend emrin e Erjon Alibej. Duke qenë se ka treguar se është përfshirë edhe veten duke pranuar se ka qenë organizatori, pavarësisht se është shfaqur si dëshmitar, GJKKO i ka caktuar edhe atij avokat.
Për vrasjen e Emiljano Ramazanit dhe Rigers Runajt, akuzohet si porositës Erjon Alibej.
Rigers Runaj u gjet i masakruar me thikë pranë varrezave të Elbasanit më 29 korrik 2020. Mbi provat e siguruara u fajësuan Xhuljano Hoxha dhe Euglent Halilin, persona këta që dyshohet se janë përfshirë edhe në ekzekutimin e Emiljano Ramazanit më 20 korrik. Për vrasjen e dy miqve të ngushtë në harkun e 9 ditëve ra në pranga më 18 shtator të 2020, Erjon Alibej ndaj të cilit u caktua masa e sigurisë “Arrest me burg”.
Discussion about this post