Zbërthehet telefoni i pjesëtarit të “Shqiponjave”, zbulohen komunikime për fajde dhe plumba

Haxhim Xhixha, punonjësi i policisë, i cili u arrestua nga agjentët e AMP, mund të jetë përfshirë në ndonjë aktivitet të mundshëm kriminal.

Kjo indicie ka ardhur pasi të dy aparatet telefonike që iu sekuestruan shtetasit Hashim Xhixha rezultuan me numra te huaj te shtetit anglez.

Në një nga telefonat e konkretisht në telefonin e markës “IPHONE 11”, gjenden biseda ne aplikacionin “SIGNAL”, me numra te huaj ku bisedon për para me fajde si dhe biseda për dhënien e një sasie fishekësh një shtetasi ende te pa identifikuar i cili flet gjuhen shqipe, e pasqyruar ne procesverbalin e aparatit telefonik sekuestruar shtetasit Hashim Xhixha.

Tashmë nga këto të dhëna të dala nga hetimet, pozita penale e punonjësit të shqiponjave pritet të rëndohet.

Nën hetim janë edhe punonjës të tjerë të repartit Shqiponja në DVP Tiranë por edhe sektorëve të tjera në të cilën janë gjetur në komunikimet e Xhixhës në dy telefona.

Polici Haxhim Xhixha kishte rreth një muaj që ishte bërë pjese e repartit Shqiponja. Ai më herët ka shërbyer në drejtorinë e Durrësit. /Oranews/