Rritja e çmimeve ka prekur pothuajse çdo sektor në vend. Së fundmi raportohet se çmimet e apartamenteve si në shitje edhe ato me qira në Vlorë, janë rritur ndjeshëm prej muajit mars të këtij viti. Sipas agjentit imobiliar Qemal Hoxhaj rritje ka pasur edhe në çmimet e blerjes së apartamenteve apo objekteve të biznesit.
“Në qoftë se një blerje para dy a tre vjetësh supozojmë 2 plus 1 ka qenë diku te 50-60 mijë euro sot mund të themi se ka shkuar në 75-85 mijë euro, po flas në zonën e bulevardit”, tha Hoxhaj.
Alvaro Dalipi shprehet se rritja e çmimeve pritet të vijojë përgjatë gjithë sezonit veror, ndërsa kjo gjë ka dhënë efekt negativ, pasi përgjatë muajt qershor, janë regjistruar më pak kërkesa për blerje apartamentesh ose shtëpi me qera.
“Nga përpara pandemisë ka ndryshim dyfish të çmimit, janë çdo ditë në rritje. Kërkesa është e shumtë. Duke qenë se për momentin në Vlorë nuk ka shumë apartamente të disponueshme ka shumë kërkesë, kryesisht nga të huajt, gjithashtu dhe nga shqiptarë të cilët duan të kenë një shtëpi të dytë”, tha Dalipi.
Zona e cila paraqet rritjen më të lartë të çmimeve për metra katror të apartamenteve dhe bizneseve në shitje por edhe qirave mujore dhe ditore është Lungomare, si dhe më pas e gjithë vija bregdetare deri në Orikum, me një rritje të konsiderueshme çmimesh prej 30%.
Discussion about this post