Presidenti Ilir Meta, ka reaguar pas zbulimit të varrit masiv në Përmet. Me anë të një postimi të bërë në ‘Facebook’, Meta kërkon nga institucionet që të bëjnë zbardhjen me transparencë të së vërtetës. Kreu i shtetit thekson me forcë domosdoshmërinë për të dënuar krimet monsutruoze të diktaturës si dhe të gjetjes së viktimave të regjimit mizor.
Postimi i plote:
U njoha për zbulimin në Përmet, sipas të dhënave paraprake, të një varri masiv, ku dyshohet se prehen viktima të represionit dhe terrorit të diktaturës.I nxis institucionet përgjegjëse shtetërore për zbardhjen me transparencë dhe ndriçimin e së vërtetës.Të ekzekutuarit padrejtësisht dhe martirët e pafajshëm meritojnë një vendprehje dinjitoze, respektin e plotë dhe nderimin e duhur shtetëror.Theksoj me forcë domosdoshmërinë, jo vetëm të dënimit të krimeve monstruoze të diktaturës, por edhe gjendjen e të gjitha viktimave të atij regjimi mizor, në mënyrë që shpirtrat e tyre të pushojnë në paqe duke u dhënë njëherë e mirë qetësi dhe ngushëllim familjarëve e pasardhësve të tyre, por edhe të gjithë shoqërisë
Ditën e sotme, u gjet në Përmet nga një kompani private një sipërfaqe gati 100 metra katrorë e cila kishte varre masive që dyshohet se i përket regjimit komunist.
