Zbulohen 100 kg hashash dhe 30 mijë euro në shtëpinë e një shqiptari në Itali

Të paktën 5 persona janë vendosur në pranga nga policia italiane, mes tyre edhe një shqiptar, pasi akuzohen se shpërndanin drogë.

Në shtëpinë e 28-vjeçarit shqiptar, policia gjeti rreth 979 pako hashash me peshë rreth 72 kg në total, 13 cigare elektronike me përmbajtje narkotike, materiale të ndryshme paketimi droge dhe rreth 30.000 euro cash, shkruan Ansa.

Ndërkohë në via Giorgio Pelasca, në bazë të kontrolleve të kryera në një makinë oficerët e policisë gjetën dy çanta në sediljen e pasme me pako hashashi me peshë rreth 22 kg. Ndërsa në banesën e drejtueses së mjetit u gjetën të fshehura në frigoriferin e kuzhinës 6 kg hashash dhe 3 gramë kokainë.