Rreth 1150 bimë narkotike kanabis Sativa janë gjetur dhe sekuestruar në dy fshatra të Krujës. Policia njofton se një pjesë prej tyre janë asgjësuar përmes djegies. Nuk raportohet për asnjë person të arrestuar lidhur me bimët e mbjella.
“Gjatë kontrolleve në fshatin Burz Mal dhe në fshatin Shkretë, u konstatuan disa ambiente të përshtatura për kultivim, në të cilat u gjetën 1150 bimë të dyshuara narkotike kanabis. Një pjesë e tyre u sekuestrua në cilësinë e provës materiale, ndërsa pjesa tjetër u asgjësua me anë të djegies. Materialet procedurale i kaluan Prokurorisë, për veprën penale ‘Kultivimi i bimëve narkotike'”, njoftoi policia.
Discussion about this post