Pasi koncerti u shty dy herë për shkak të pandemisë, Maluma më në fund do të jetë në Tiranë në 14 Mars. Koncerti do të mbahet në Sheshin Nënë Tereza dhe është pjesë e turit botëror të artistit të famshëm.
Së fundmi është mësuar dhe se kush do të jenë artistët shqiptarë që do të performojnë në skenë para Malumës. Burime për revistën Who kanë bërë me dije se do të jetë Ronela Hajati dhe Elgit Doda. Ende nuk ka pasur një konfirmim zyrtar nga ana e dy artistëve shqiptarë.
Kujtojmë që dje në emisionin “Shqipëria Live” ishte e ftuar Uarda Koçi, e cila është organizatore projektesh, e cila zbuloi disa nga kërkesat që ka paraqitur këngëtari i famshëm para koncertit në Shqipëri.
Uarda zbuloi një detaj mjaft të çuditshëm por që ishte i domosdoshëm nga ana e këngëtarit. Kërkesat e paraqitura nga stafi i tij fillonin me një tavolinë ping-pongu në prapaskenë.
“Maluma është një djalë super solar dhe gjithë ky ndriçim, pozitivitet i tij përcillet tek stafi i jashtëzakonshëm”, tha Uarda.
Disa nga kërkesat përfshinin kafenë, çajin dhe mjaltin. Një kërkesë tjetër po aq e domosdoshme janë çamçakëz pa sheqer, pasi në këtë mënyrë ai redukton stresin.
“I kemi sugjeruar stafit produktet vendore dhe njëkohësisht i promovojmë produktet tona”, u shpreh Uarda.
Discussion about this post