Detaje të rënda janë zbuluar nga krimi i rëndë në Fier, ku 67-vjeçari Petraq Gjika u masakrua me thikë. Sipas burimeve në terren, raportohet se viktima ishte në kabinën e tij ku bënte roje dhe ka vënë re disa lëvizje. Pasi ka dalë nga kabin, vrasësi ka goditur me thikë në zonën e barkut.
67-vjeçari në tentativë për tu mbrojtur nga sulmi, ka ngritur duart ku dallohen edhe shenjat e prerjes me thikë.
Vrasësi e ka masakruar me thikë dhe pasi është siguruar që Petraq Gjika ka ndërruar jetë e ka tërhequr zvarrë në afërsi të një koshi mbeturinash dhe e ka braktisur aty trupin e pajetë.
Më mbrapa e ka mbuluar me plasmas pellgun me gjak ku ka kryer krimin e rëndë. Thika me të cilën u vra 67-vjeçari nuk është gjetur ende ndaj dhe janë dyshimet se autori e ka marrë me vete thikën.
Thika mësohet se ka qenë më e madhe se thika e bukës dhe vrasësi e ka larë në një çezmë pranë rrugës ku më mbrapa është larguar.
Dyshimet janë që autori ka fshehur jo vetëm thikën por edhe rrobat që kishte veshur, pasi mendohet që kanë qenë me shenja gjaku.
Uniformat Blu kanë shoqëruar rreth 15 persona për tu marrë në pyetje përfshirë të njohur të 67-vjeçarit, persona me të cilët ai kalonte kohën gjatë momentit që ishte në punë si dhe familjarë të që mund të kenë dijeni për kontaktet e fundit të Gjikës.
Discussion about this post