Policia e Tiranës ka dhënë detaje të reja në lidhje me arrestimin e Marsel Dokut në Tiranë. Mësohet se në banesë, Doku kishte mbi 100 doza lëndë narkotike.
NJOFTIMI:
Vijon operacioni i koduar “Blloku” për goditjen e veprimtarisë në fushën e narkotikëve. Në vijim të operacionit policor të koduar “Blloku” në kuadër të të cilit u arrestua në flagrancë shtetasi M. D dhe u sekuestruan mbi 100 doza lëndë narkotike kokainë, sherbimet e Policisë pas veprimeve të para hetimore, kanë vijuar me kontrolle më të imëtësishëm të banesës, ku kanë gjetur dhe sekuestruar shumën prej 6.000.000 të reja, të cilat dyshohet se janë të përfituara nga shitja e lëndës narkotike kokainë. Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme.
