Tre studiues në Institutin e Virologjisë së Wuhan (WIV) në Kinë kërkuan ndihmë mjekësore në një spital në nëntor të vitit 2019 pasi kishin simptoma të ngjashme me Covid-19, disa muaj para se autoritetet kineze të zbulonin shpërthimin e koronavirusit, sipas The Wall Street Journal, i cili citoi një raport nga shërbimi i inteligjencës amerikane.
Gazeta vuri në dukje se raporti – i cili tregon detaje të reja mbi numrin e punonjësve që kanë kërkuar ndihmë mjekësore, periudhën kur u sëmurën dhe vizitat e tyre në spital – ka të ngjarë t’u japë më shumë peshë thirrjeve për një hetim më të gjerë nëse SARS-CoV-2 mund të ketë origjinën nga një laborator, raporton abcnews.al
Artikulli në gazetën Amerikane u botua një ditë para takimit të Organizatës Botërore të Shëndetësisë, rreth origjinës së Covid-19. Një zëdhënës i Këshillit të Sigurisë të SHBA-së nuk dha asnjë koment në lidhje me artikullin e publikuar nga WSJ, por shtoi se qeveria e Presidentit të SHBA Joe Biden “ka disa pyetje serioze në lidhje me ditët e para të shpërthimit të pandemisë covid-19, duke përfshirë origjinën e tij”.
Sipas të dhënave, Uashingtoni ka punuar me OBSH-në dhe vendet e tjera anëtare për hetimin e pandemisë Covid-19 “pa ndërhyrje” dhe “pa politizim”.
WSJ raportoi në artikullin e saj se zyrtarët aktualë dhe personalitete të tjerë të njohur shprehën pikëpamje të ndryshme mbi vlefshmërinë e të dhënave të paraqitura në raport, madje një person foli në kushte anonimiteti duke thënë se kishte nevojë për “hetime dhe konfirmime të mëtejshme “.
Në mars, vendet e tjera shprehën shqetësimin e tyre në lidhje me raportin e OBSH-së mbi origjinën e covid-19 dhe bënë thirrje për kërkime të mëtejshme dhe qasje në të gjitha informacionet mbi fazat e hershme të epidemisë, raporton abcnews.al
Të dielën, Ministria e Jashtme kineze tha se ekipi i OBSH-së që vizitoi vendin, si dhe Instituti i Virologjisë në Wuhan arritën në përfundimin se ishte e pamundur që origjina e koronavirusit të ishte nga një laborator.
“Shtetet e Bashkuara vazhdojnë të promovojnë teorinë se koronavirusi ka dalë nga një laborator,” tha ministria kineze kur u pyet në lidhje mbi artikullin e WSJ.
“A janë ata të shqetësuar vërtet për të gjetur burimin ose për të sjellë vëmendjen diku tjetër.
Qeveria e ish-presidentit amerikan Donald Trump ka hedhur dyshimet se koronavirusi ka dalë nga një laborator kinez, diçka që Pekini e ka mohuar vazhdimisht.
Sipas një dokumenti të Departamentit të Shtetit i cili u botua para përfundimit të mandatit të Donald Trump citohej se “qeveria amerikane ka arsye të besojë se disa studiues u sëmurën në vjeshtën e vitit 2019, para se të identifikoheshin rastet e para të epidemisë, me simptoma të ngjashme të Covid-19 si dhe me gripin sezonal, raporton abcnews.al
Në të njëjtën kohë, epidemiologu kryesor amerikan Anthony Fauci, ka shprehur dyshime duke kërkuar një hetim të hapur mbi origjinën e virusit gjatë një interviste të fundit në PolitFact një çështje që ka vendosur në pikëpyetje shumë komitete të pavarura të ekspertëve dhe Shtëpinë e Bardhë.
I pyetur nga Katie Saunders të PolitiFact në lidhje me origjinën e virusit, Fauci tha: “Unë nuk jam i bindur për origjinën e saktë të virusit, por unë mendoj se ne duhet të vazhdojmë të hetojmë se çfarë ka ndodhur në Kinë derisa të kuptojmë se çfarë ka ndodhur në të vërtet.”
“Sigurisht, njerëzit që kanë hulumtuar në lidhje me origjinën e koronavirusit pretendojnë se virusi u shfaq te kafshët dhe më pas infektoi njerëzit, por shkaku mund të jetë diçka tjetër dhe duhet ta zbulojmë,” tha më tej Fauci.
“Unë jam pro një studimi që do të zbulojë origjinën e virusit”, përfundoi shkencëtari amerikan.
