11 persona janë arrestuar ditën e sotme në Itali, ku mes tyre ishin 6 shqiptarë dhe 5 italianë. Lidhur me ngjarjen bëhet me dije sipas mediave italiane se personat janë arrestuar për prodhim dhe trafikim të lëndëve narkotike, si dhe mbajtje të armëve.
Gjithashtu, hetimet kanë konstatuar se grupet kriminale kanë zhvendosur prodhimin e drogës nga Shqipëria në provincat e Barit dhe Foggia. Në operacion u sekuestruan dy plantacione, të rritura në serra, të përbëra nga mbi 8000 bimë marijuanë.
Hetimet e kryera në aksin Cerignola-Bisceglie-Bari-Oria kanë dokumentuar furnizimin në zonat Foggiano dhe Brindisi dhe transportin me rrugë tokësore (nëpërmjet korrierëve shqiptarë). Arrestimet u kryen në Pulia dhe Lombardi.
Discussion about this post