Detaje të tjera kanë dalë në pah lidhur me arrestimin e një 45-vjeçari, i cili akuzohet si bashkëpunëtor në vrasjen e biznesmenit Behar Sofia. Mësohet se 45-vjeçari është Bujar Leza, i cili sipas burimeve njihej me Leonard Xhixhën, një tjetër i arrestuar si bashkëpunëtor në këtë Ngjarje. Këto dy shtetas mësohet se kanë vepruar së bashku për të mbajtur nën survejim objektivin, ndërsa kanë siguruar informacion për lëvizjet që Behar Sofia bënte.
Gjithashtu mësohet se 45-vjeçari është njohur me masën “arrest me burg” caktuar për këtë çështjen ndërsa aktualisht ai po vuan dënimin për veprën penale “dhunë në familje”, në burgun e Fushë-Krujës. Bujar Leza, 45-vjeçar akuzohet për veprat penale “Vrasja me paramendim”; “Mbajtja pa leje e armëve, armëve shpërthyese dhe municionit”, kryer në bashkëpunim të veçantë, atë të grupit të strukturuar kriminal; “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Discussion about this post