Detaje të reja kanë dalë në dritë nga operacioni i sotëm në Lezhë, ku mësohet se në shënjestër të atentatit ishin Ndoc dhe Preng Paluca. Mësohet se, bëhet fjalë për një ngjarje të ndodhur disa kohë më parë dhe konflikti ka nisur në Belgjikë.
Preng Paluca është sulmuar më herët me armë zjarri pranë banesës së tij, ku mbeti i plagosur së bashku me bashkëshorten e Antonetën.
Ndërkohë, policia arriti të ndalë atentatin që mësohet të ketë ardhur si pasojë e konflikteve të drogës të dyshuara që kanë nisur në Belgjikë me vëllezërit Paluca. Lënda eksplozive dyshohet se është sjellë në mënyrë ilegale nga jashtë Shqipërisë.
Në kuadër të aksionit të policisë, u arrestuan në flagrancë Mark Lamkja 27 vjeç, banues në fshatin Tale, Lezhë, i dënuar më parë në Itali, për veprat penale “Vrasja e mbetur në tentativë” dhe “Armëmbajtja pa leje”.
Gjithashtu, në pranga ka rënë çifti Nikoll Marku, 62 vjeç dhe Marie Marku, 60 vjeçe, të dy banues në lagjen “Varosh”, Lezhë. Gjithashtu është bërë shpallja në kërkim Edmir Vlashit, 31 vjeç dhe Hektor Ndoka 31 vjeç, persona me precedentë të theksuar kriminal dhe rrezikshmëri të lartë shoqërore, të dyshuar për disa ngjarje të rënda kriminale në fushën e krimeve kundër jetës dhe pronës. Dy personat që janë shpallur në kërkim, kishin pak kohë që ishin kthyer nga Belgjika, dhe mbaheshin nën vëzhgim nga policia ku janë konstatuar duke lëvizur edhe në Tiranë.
Discussion about this post