Zbulohet ‘foleja’ e prost*tucionit në Durrës, arrestohen dy braziliane

Policia e Durrësit ka vënë në pranga dy vajza të reja nga Brazili, të dyshuara për ushtrim të aktivitetit të paligjshëm të prostitucionit. Arrestimi u realizua në kuadër të operacionit të koduar “Sotrm”.

Sipas njoftimit të bluve, bëhet fjalë për B. B., 24 vjeçe, dhe H. D., 21 vjeçe, të lindura dhe rezidente në Brazil. Një shtetas tjetër, K. M., 22 vjeç, banues në Durrës, u procedua në gjendje të lirë për veprën penale “Prostitucioni”.

Hetimet tregojnë se vajzat kishin marrë me qira një apartament në lagjen nr. 2 të qytetit dhe e përdornin atë për prostitucion dhe konsum lëndësh narkotike.

Sipas policisë, gjatë ndërhyrjes së forcave të rendit, shtetaset refuzuan të hapin derën e apartamentit, e cila u hap më pas me ndihmën e punonjësve të Zjarrfikëses.

Njoftimi:

Pas disa javësh ndjekjeje me metoda proaktive, finalizohet faza e 10-të e operacionit “STORM”, për goditjen e veprimtarisë kriminale të prostitucionit.

Kishin marrë një apartament me qira në lagjen nr. 2 në Durrës dhe e shfrytëzonin për prostitucion dhe për përdorim të lëndëve narkotike, vihen në pranga dy shtetase braziliane.

Procedohet penalisht edhe një shtetas për prostitucion.

Në vijim të operacioneve të njëpasnjëshme, nga Seksioni për Hetimin e Trafiqeve, në bashkëpunim me Seksionin për Mbështetjen Operacionale të Hetimit, pas një hetimi disajavor të ndjekur me metoda proaktive për veprat penale “Prostitucioni”, “Përshtatja e ambienteve për prostitucion”, “Prodhimi dhe shitja e lëndëve narkotike”, “Përshtatja e ambienteve për përdorim droge”, në bashkëpunim me Prokurorinë, u finalizua faza e 10-të e operacionit policor të koduar “STORM”.

Në kuadër të operacionit u bë arrestimi i shtetaseve B. B., 24 vjeçe dhe H. D., 21 vjeçe, të dyja lindur dhe banuese në Brazil. Gjithashtu u procedua në gjendje të lirë shtetasi K. M., 22 vjeç, banues në Durrës, për veprën penale “Prostitucioni”.

Gjatë ndërhyrjes së forcave policore, këto shtetase kanë refuzuar të hapin derën e apartamentit, e cila më pas u hap me ndihmën e punonjësve të Zjarrfikëses.

Nga veprimet hetimore të kryera rezultoi se këto shtetase kishin marrë me qira, në lagjen nr. 2 në Durrës, një apartament dhe e shfrytëzonin për ushtrimin të prostitucionit dhe konsumimit të lëndëve narkotike.

Në cilësinë e provës materiale u sekuestruan dy pasaporta të shtetaseve të huaja, një shumë parash në euro dhe lekë, tre aparate celularë, një bllok shënimesh, disa karta SIM, si dhe dy sasi të vogla lënde narkotike të dyshuara kanabis dhe çokollatë me përmbajtje kanabisi.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme hetimore.