Një foto e para shumë vitesh është bërë publike ditën e sotme, ku në qendër janë dy figurat politike me të rëndësishme të viteve ’90, njëkohësisht themeluesit e PD, Sali Berisha dhe Azem Hajdari.
Në foton e publikuar nga mediat, një ditë pas 23-vjetorit të vdekjes së Azem Hajdarit, është një artikull i gazetës “Rilindja Demokratike”, ku shkruhej për kohën kur ish-kryeministri Sali Berisha kërkonte përjashtimin e Azem Hajdarit nga grupi parlamentar i PD.
Berisha asokohe e konsideronte Azem Hajdarin si një nga rreziqet më kërcënuese për pozitat e tij në krye të Partisë Demokratike, që nga viti 1992 deri natën e 12 shtatorit, kur Azemi u vra nga në oborrin e PS-së, ngjarje të cilën Berisha e përdori për grushtin e shtetit të 14 shtatorit 1998.
Në 9 janar të vitit 1997, me urdhër të tij, kryesia e grupit parlamentar të PD, vendosi t’i propozonte Kryesisë së PD-së përjashtimin e Azem Hajdarit nga grupi i PD-së. Ky vendim erdhi pasi Azem Hajdari kishte nisur një valë kritikash ndaj qeverisë së Aleksandër Meksit, por pa atakuar Berishën si President. Me kauzën e mbrojtjes së sindikatave, Azemi synonte t’i diktonte Berishës rrëzimin e Meksit, për t’u dhënë një tjetër mesazh demokratëve për fuqinë e tij në PD. Por, Berisha nisi një sulm frontal ndaj Azemit, me gazetën Rilindja Demokratike dhe me akuza, pyetje shantazhuese dhe mesazhe të koduara. Berisha vuri në lëvizje edhe strukturat e PD-së.
Shumë shpejt Azem Hajdari u “ngri” si anëtar i Këshillit të Kombëtar të PD-së. Disa ditë më pas, Kryesia e PD-së përjashtoi Azemin nga grupi parlamentar. Në seancën e parë plenare të Kuvendit, të datës 20 janar 1997, Azem Hajdari, mbajti një fjalim mbi përjashtimin e tij. Hajdari theksoi se përjashtimi i tij është i paligjshëm, ndërsa shtoi se nuk është thirrur as në Këshillin Kombëtar të PD-së, as në kryesi dhe as në grupin parlamentar, siç e kërkon procedura.
Asokohe, Azemi u përjashtua me pretekstin se doli hapur në kundërshtim me vijën politike të partisë. 23 pas vdekjes së tij, duket se historia u përsërit, pasi Lulzim Basha, kreu aktual i PD, vendosin përjashtimin e liderit historik, Sali Berisha nga radhët e grupit parlamentar, duke ngjallur debate të mëdha në parti dhe jashtë saj.
