Prej vitesh e dëgjojmë në “Big Brother”, togfjalëshin “Vëllai i madh”, si dikush që monitoron, drejton dhe vendos për çdo gjë brenda këtij formati. Dhe me kalimin e viteve shtohet dhe kureshtja se kush e mban këtë post në emision.
Gjatë këtij Big Brother VIP, janë komentuar shumë teori të ndryshme sesi mund të funksionojë ky program, nisur dhe nga fakti që banorët janë personazhe të njohura të medias rozë.
Shpesh është spekuluar se banorët që qëndrojnë brenda paguhen. Është përfolur se një banor paguhet me 1500 euro për çdo javë qëndrim brenda shtëpisë. Lidhur me këtë ka folur vetë Sara dhe Lori Hoxha të cilat janë producentë të këtij edicioni të “Big Brother VIP Albania”. Motrat Hoxha me një ton të prerë kanë thënë se banorët nuk paguhen.
Ndërkaq pyetjes së shumëngritur se kush është “Vëllai i madh”? Lori thekson se “Vëllai i madh” nuk është një person, por është një ekip.
“Jo, sigurisht që nuk jemi ne “Vëllai i madh”. “Vëllai i madh” është një ekip i tërë, një skuadër e madhe.”
Discussion about this post